- 19 -

1283. April 4.

In nomine domini amen. Quoniam temporum annua revolutio inferre solet successorum memoris rerum gestarum ignorantiam, necessarium est in ordinationibus memoria indigentibus oblivioni occurrere testimonio litterarum. Nos igitnr Stephanus dictus Zbrouowicz una cum liberis nostris Zbron, Zbremir et Bernardo, omnibus huius scripti copiam habentibus volumus esse notum, quod de voluntate, consilio et ordinatione illustrium dncum Meschonis et Primislij de Rathisbor et de Hospencin, inspecta utilitate nostra et commodo villam olim nostram que Schirdnicza noncupatur, cum hiis omnibus que per emptionem et ducum donationem circa predictam villam habebamus vel habere poteramus, Domino abbati et conventuj domus de Ruda dedimus commutationis nomine eternaliter possidendam pro villa que Wocsiche noncupatur, cum aliis villis et omnibus aliis pertinenciis ac utilitatibus quas idem abbas cum comentu suo nobis et nostris predictis filiis viceversa sub titulo commutationis assignavit Nos insuper profitemur, nos predictosque filios nostros promisisse predicto abbati et conventuj, ut si quispiam hominum huic ordinationj obsistens coram duce vel alio Iudice qualicumque modo vel intencione a dicto abbate et conventu ipsam commutationem nostram impedire machinatus fuerit, nos cum sepedictis filiis nostris et successoribus nostris pro ipsis tenebimur respondere et ab omnibus hominibns dictam hereditatem perpetuo liberare. Ut autem hec nostra ordinatio tam aput presentes quam aput posteros robur firmitatis obtineat, predictorum dominorum nostrorum illustrium ducum Meschonis et Primislij de Rathibor et de Hospencin sigillorum munimine fecimus roborarj. Ne ergo super predictis dubietas aput aliquos oriatur, hanc cartam nostri sigilli munimine roboratam nominatis superius abbati et conventuj duximus conferendam. Actum et datum Rathisbor in dominica qua cantatur Iudica Anno domini M°.CC°.Lxx°.iij°. Coram testibus infra scriptis. Comite Vlocisborio Iudice curie ducis Rathisboriensis, Comite Iancone Thesaurizario, Comite Nicholao subdapifero, Comite Ieschone de Comicz subcamerario Thessinensi, Comite Ieschone de Beuchouiche et aliis quam pluribus.

Es ist nur ein Siegel an der Urkunde gewesen, an grünen und rothen Seidenfaden; der kleine Rest davon ist das untere Ende eines elliptischen oder dreieckten Siegels mit den Buchstaben LLVM.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.